چارسدہ کے علاقے اتمانزئی بائی پاس روڈ پر دھند اور تیز رفتاری کے باعث ٹرک اور اسکول وین میں تصادم ہوا۔ حادثے کے نتیجے میں دو کم سن طلباء جاں بحق ہوئے جبکہ متعدد بچے زخمی ہوگئے۔
ریسکیو 1122 کے مطابق حادثہ پیش آتے ہی چارسدہ سے تین ایمبولینسز جائے وقوع کی جانب روانہ کی گئی۔ ریسکیو اہلکاروں نے موقع پر زخمیوں کو فوری ابتدائی طبی امداد فراہم کی اور شدید زخمی تین طلباء کو تشویشناک حالت میں پشاور منتقل کر دیا جبکہ دیگر زخمیوں کو ڈسٹرکٹ ہیڈ کوارٹر ہسپتال چارسدہ منتقل کیا گیا۔
ریسکیو 1122 کے مطابق زخمی بچوں کو بہترین طبی سہولیات فراہم کی جا رہی ہیں جبکہ حادثے کی مزید تحقیقات جاری ہیں۔