ترجمان دفتر خارجہ طاہر حسین اندرابی نے بھارتی وزیر خارجہ کے اشتعال انگیز بیان کو سختی سے مسترد کرتے ہوئے اسے حقائق مسخ کرنے کی ناکام کوشش قرار دیا ہے۔
نیوز بریفنگ میں انہوں نے کہا کہ پاکستان کی افواج ملک کے تحفظ اور دفاع کے لیے پوری طرح پُرعزم ہیں، جبکہ بھارت خطے میں عدم استحکام کے ایجنڈے پر عمل پیرا ہے۔
ترجمان نے مزید بتایا کہ انڈونیشیا کے صدر نے پاکستان کا دو روزہ دورہ کیا جس کے دوران دو طرفہ تعاون پر تفصیلی تبادلہ خیال ہوا۔ دورے میں 8 معاہدوں پر دستخط کیے گئے، جبکہ انڈونیشین صدر نے فیلڈ مارشل سے بھی ملاقات کی۔
انہوں نے کہا کہ بھارتی بیانات اور پروپیگنڈے سے زمینی حقائق تبدیل نہیں ہوسکتے، پاکستان علاقائی امن کے لیے اپنا کردار ادا کرتا رہے گا۔