صدرِ مملکت آصف علی زرداری کی منظوری کے بعد گلگت بلتستان اسمبلی کا انتخابی شیڈول جاری کردیا گیا۔
نوٹیفکیشن کے مطابق کاغذات نامزدگی جمع کرانے کیلیے 15 دسمبر مقرر ہے جبکہ 23 دسمبر کو امیدواروں کی فہرست جاری کی جائے گی۔ 30 دسمبر کو کاغذات کی اسکروٹنی ہوگی اور 10 جنوری کو اپیلوں سے متعلق فیصلے دیے جائیں گے، امیدواروں کی حتمی فہرست 11 جنوری کو جاری کی جائے گی۔
نوٹیفکیشن کے مطابق کاغذات نامزدگی واپس لینے کیلیے 12 جنوری کی تاریخ مقرر ہے، 13 جنوری کو انتخابی نشان الاٹ کیے جائیں گے اور 24 جنوری کو گلگت بلتستان میں پولنگ ہوگی۔
یاد رہے کہ گلگت بلتستان اسمبلی کی مجموعی طور پر 33 نشستیں ہیں جن میں سے 24 پر انتخابات ہوتے ہیں، 6 مخصوص نشتیں خواتین اور 3 ٹیکنوکریٹس پر مشتمل ہیں۔