عدالت نے سابق وزیراعلیٰ خیبر پختونخوا علی امین گنڈاپور کو مسلسل عدم پیشی پر اشتہاری قرار دے دیا۔ اسلام آباد کے جوڈیشل مجسٹریٹ مبشر حسن چشتی کی عدالت نے شراب اور غیر قانونی اسلحہ برآمدگی کیس میں علی امین گنڈاپور کے ناقابل ضمانت وارنٹ گرفتاری بھی جاری کر دیے۔
علی امین گنڈاپور کو متعدد بار طلب کیے جانے کے باوجود وہ آج بھی عدالت میں پیش نہ ہوئے، جس پر عدالت نے سخت اقدام کرتے ہوئے انہیں اشتہاری قرار دینے کا حکم دیا۔
کیس میں عدالت نے پولیس کو علی امین گنڈاپور کی گرفتاری کے لیے فوری کارروائی کی ہدایت کرتے ہوئے رپورٹ پیش کرنے کا بھی حکم دیا ہے۔
واضح رہے کہ علی امین گنڈاپور کے خلاف شراب اور غیر قانونی اسلحہ برآمدگی سے متعلق مقدمہ زیر سماعت ہے، تاہم مسلسل غیر حاضری کے باعث عدالتی کارروائی متاثر ہو رہی تھی۔