پاکستان اسٹاک ایکسچینج میں کاروباری ہفتے کے دوران نمایاں ریکوری دیکھنے میں آئی اور مارکیٹ مثبت رجحان کے ساتھ بند ہوئی۔
کاروبار کے دوران سرمایہ کاروں کی بھرپور دلچسپی کے باعث ہنڈرڈ انڈیکس میں ایک موقع پر 1265 پوائنٹس تک اضافہ ریکارڈ کیا گیا جبکہ 171 ہزار پوائنٹس کی نفسیاتی حد بھی بحال ہوگئی۔
کاروبار کے اختتام پر 100 انڈیکس 985 پوائنٹس کے اضافے کے ساتھ 171,175 پوائنٹس پر بند ہوا۔
اسٹاک مارکیٹ تجزیہ کاروں کے مطابق ایران اور امریکا کے درمیان معاملات میں بہتری کی خبروں نے سرمایہ کاروں کے اعتماد کو تقویت دی، جس کے نتیجے میں مارکیٹ میں خریداری کا رجحان بڑھا اور سرمایہ کار دوبارہ متحرک ہوگئے۔