ورلڈ کپ کی آمد آمد ہے اور ساتھ ہی پاکستان کرکٹ ٹیم کے سابق کپتان عامر سہیل نے
اپنا نیا پنڈورا باکس بھی کھول دیا ہے- عامر سہیل نے دعویٰ کیا ہے کہ ورلڈ کپ
مقابلوں میں پاک بھارت میچ کا فیصلہ گراؤنڈ میں نہیں بلکہ کہیں اور طے ہوجاتا ہے۔
دوسری جانب عامر سہیل کے اس بیان کو سابق پاکستانی کرکٹر باسط علی نے آڑے ہاتھوں
لیا ہے اور ان کا کہنا ہے کہ پاک بھارت میچوں پر عامر سہیل کا تبصرہ انتہائی
افسوسناک ہے
باسط علی نے عامر سہیل پر الزام لگایا ہے کہ عامرسہیل چھیانوے میں پرساد کو اشارہ
کر کے آؤٹ ہوئے- باسط علی کا یہ بھی کہنا تھا کہ سب سے پہلے تو عامر سہیل کا احتساب
ہونا چاہیئے اور ان سے بیان کی وضاحت طلب کی جائے۔