قومی اسمبلی میں ایم کیو ایم کے پارلیمانی لیڈر ڈاکٹر فاروق ستار نے کہا ہے
کہ ملک کو میرا سلطان ڈرامے کی طرح چلایا جا رہا ہے ، یہ ملک کسی کے باپ کی
جاگیر نہیں، 18 کروڑ عوام کا ہے۔
قومی اسمبلی اجلاس کے دوران ایوان میں اظہار خیال کرتے ہوئے ڈاکٹر فاروق
ستار نے میر ا سلطان ڈرامے کی مثال دے دی۔ ان کا کہنا تھاکہ ملک کو میرا
سلطان ڈرامے کی طرح چلایا جا رہا ہے۔
ایک ریاست سمبل آغا کی ہے ، ایک ماہ دوراں کی اور ایک حورم سلطان کی ہے ،
یہ ملک کسی کے باپ کی جاگیر نہیں، 18 کروڑ عوام کا ہے۔
ڈاکٹر فاروق ستار نے کہا کہ حکومتی پالیساں امراء کو نوازنے کے لئے ہیں ،
غریب آدمی کے لئے نہیں، پیٹرولیم مصنوعات کی قیمتیں 5 فیصد کم کی گئیں ،
انہیں 20 سے 25 فیصد کم ہونا چاہیے تھا ۔