یوایس پاکستان وومنز کونسل اور امریکن بزنس کونسل کے زیر اہتمام ‘‘خواتین کو بااختیار بنانے کے لیے بہترین کارپوریٹ طرز عمل’’ کے موضوع پر سیمینار

قائم مقام قونصل جنرل جان وارنر نے سیمینار کے 60 سے زیادہ شرکا کو خوش آمدید کہا۔ شرکا میں ینگ پریزیڈنٹس آرگنائزیشن، امریکن بزنس کونسل اور پاکستان کے نمایاں مالیاتی اداروں کے نمائندے شامل تھے۔

قائم مقام قونصل جنرل جان وارنر کا کہنا تھا کہ "اس سیمینار کا مقصد کام کرنے والی خواتین کی کامیابیوں کو یقینی بنانے کے ثمرات کو اجاگر کرنا اور یہ واضح کرنا ہے کہ خواتین کو معاشی طور پر بااختیار بنانے سے کمپنیوں کو کس طرح فائدہ ہوتا ہے۔"

یوایس پاکستان وومنز کونسل خواتین کے لیے تعلیم، ملازمت اور کاروباری مواقع کے ذریعے تجارتی شعبے میں ان کی شرکت بڑھانے کے لیے کوشاں ہے۔ 2012ء میں قائم کی گئی یہ کونسل تجارتی شعبے میں تنوع اور خواتین کی شمولیت بڑھانے کے لیے اپنے نیٹ ورک کے ذریعے نمایاں کوششیں کررہی ہے۔

یوایس پی ڈبلیو سی کے اس وقت پاکستان میں 8 کارپوریٹ ارکان ہیں جن میں کوکاکولا، اینگرو، جنرل الیکٹرک، پیپسی کو، پراکٹر اینڈ گیمبل، اسٹینڈرڈ اینڈ پوورز گلوبل اور ٹی آر جی شامل ہیں۔ یہ کمپنیاں خواتین کو ملازمت، انٹرن شپ اور رہنمائی فراہم کرکے انھیں بااختیار بنانے اور اس کے ذریعے پاکستان کی معیشت کو مضبوط کرنے کے عزم میں پاکستان وومنز کونسل کے شانہ بشانہ ہیں۔