پاکستانی سپر اسٹار ماہرہ خان نے سماجی رابطے کی ویب سائٹ انسٹاگرام پر ایک پوسٹ شئیر کی جس میں انہوں نے اپنے بیٹے کے سوال کا ذکر کیا جو اس نے ماہرہ سے پوچھا۔
اداکارہ نے اپنی پوسٹ پر تحریر کیا کہ 'اُن کے بیٹے اذلان نے اُن سے پوچھا کہ ماما کیا آپ جانتی ہیں کہ ہماری زندگی کے خاص لمحے کون سے ہوتے ہیں؟'
ماہرہ نے لکھا کہ 'میں نے اپنے بیٹے سے کہا کہ آپ مجھے بتاؤ کہ یہ لمحے کون سے ہوتے ہیں'۔
بیٹے نے کہا کہ 'ایسے لمحے جن کو آپ ہمیشہ زندہ رکھنا چاہتے ہیں وہ ہمارے سب سے خاص اور غیر معمولی لمحے ہوتے ہیں'۔
ماہرہ خان نے لکھا کہ 'اِس کے بعد میں نے آنکھیں بند کیں اور اُ ن تمام لمحوں کے بارے میں سوچا جن کو میں زندہ رکھنا چاہتی ہوں تو یہ بہت سارے لمحے تھے'۔
پوسٹ پر تحریر کیپشن کے اختتام پر ماہرہ نے مداحوں سے کہا کہ 'آپ لوگ بھی یہ پوسٹ پڑھتے وقت ایسا کرنے کی کوشش کریں اِس سے آپ کو احساس ہوگا آپ کتنے خوش قسمت ہیں'۔