وزیرِاعظم عمران خان اپنے ننھے مداحوں کے ساتھ اکثر تصاویر کھنیچواتے اور سیلفیاں لیتے نظر آتے ہیں۔ ماضی میں بھی ہم نے دیکھا تھا کہ عمران خان نے ایک بچے کے ہمراہ سیلفی بنائی تھی اور اب ایک ویڈیو سوشل میڈیا پر وائرل ہوتی نظر آرہی ہے جس میں دیکھا جاسکتا ہے کہ ایک بچہ وزیرِاعظم کے پاس گیا اور سیلفی بنانے لگا۔
بچے کو سیلفی بنانے میں مشکل ہوئی تو عمران خان نے خود بچے کے ہاتھ سے موبائل لے کر اس کے ساتھ سیلفی بنائی۔ یہ ویڈیو انسٹاگرام پیج سنڈے ٹائمز سے خوب شیئر کی گئی۔ ویڈیو پر کمنٹ کرتے ہوئے جہاں لاکھوں صارفین نے عمران خان کی اس ہمدردی کو خوب سراہا وہیں کچھ لوگوں نے تنقید کرنا نہ چھوڑا۔