پرندے اللہ پاک کی خوبصورت مخلوق میں سے ایک ہیں لیکن آج کل ہماری فضا میں آلودگی کی وجہ سے یہ ہمیں آسمان میں آڑتے ہوئے نظر نہیں آتے اسی وجہ سے اب پرندوں کی افزائش اور انکی چہچاہٹ ہمیشہ سننے کیلئے پاکستانی شوبز انڈسٹری کی جانی مانی شخصیت فیروز خان نے پرندوں کیلئے ایک بہترین شیلٹر ہوم بنایا ہے۔
اس شیلٹر ہوم کی تیاری میں انہوں نے ایک نارمل سائز کی ٹوکریاں لیں اور ان پر مختلف رنگ کر دیے جس کے بعد کچے ناریل کی باہری سطح پرموجود بالوں والی تہہ کو اچھے طریقے سے علیحدہ علیحدہ کر کے ان ٹو کریوں میں بھر دیا۔
اس کے بعد انہوں نے اسے مختلف درختوں پر لٹکا دیا جو کہ ایک طرف تو بہت خوبصورت لگ رہی تھیں تو دوسری طرف طوطے، چڑیا اور دیگر پرندوں کیلئے ایک ٹھکانہ بھی بن گیا۔ اس کام میں عورتوں اور مردوں کی ایک ٹیم نے انکا ساتھ دیا۔
واضح رہے کہ اس ویڈیو کو ابھی تک سوشل میڈیا پر 197 ہزار لوگ دیکھ چکے ہیں اور 7 ہزار لوگ انکے اس عمل کو پسند بھی کر چکے ہیں۔
اللہ کے بندوں کی مدد کرنا نیک عمل ہے۔ چاہے وہ کوئی عام انسان ہو یا کوئی شوبز سیلیبریٹی ہو۔
آج دوپہر سے سوشل میڈیا پر اداکار فیروز خان کی گاڑی میں بیٹھ کر ضرورتمندوں کو کھانا تقسیم کرنے کی ویڈیو وائرل ہو رہی ہے، جس میں دیکھا جا سکتا ہے کہ فیروز خان غریبوں میں بریانی کی تھیلی اور ایک جوس تقسیم کر رہے ہیں۔
آخر میں اپکو یہاں یہ بھی بتاتے چلیں کہ فیروز خان نے اپنے شوبز کیرئیر کا آغاز ایک نجی ٹی وی پر سے ریڈیو جوکی کے طور پر کیا بعد میں یہ ایک ماڈل بن گئے اور 2014 میں انہوں نے ٹی وی کی دنیا سیریز چپ رہو سے قدم رکھا۔
اس کے علاوہ مشہور اداکار فیرو زخان کا ایک بیٹ اور ایک بیٹی ہیں جن کے نام محمد سلطان خان اور فاطمہ ہیں۔