جانور اور کیڑے مکوڑے اکثر انسانوں کی توجہ خوب حاصل کر لیتے ہیں۔ انہی میں سے کچھ انسان کو ایسا سبق سکھا دیتے ہیں، جو کہ اس کے لیے زندگی میں آگے چل کر کامیابی کا باعث بھی بن سکتا ہے۔
ہماری ویب ڈاٹ کام کی اس خبر میں آپ کو اسی حوالے سے بتائیں گے۔
سوشل میڈیا پر ایک ویڈیو نے خوب صارفین کو حیران کیا جس میں ایک سانپ اور مکڑی مدمقابل تھے۔
عام طور پر چھوٹی سی مکڑی سے کچھ تو بے انتہا ڈرتے ہیں وہیں کئی اس سے خوف نہیں کھاتے ہیں۔
سانپ جس کے ڈسنے سے انسان مر بھی جاتا ہے، اس سے ہر دوسرا انسان ڈرتا ہے اور یہی خیال بھی ہوتا ہے کہ جانور بھی سانپ سے ڈرتے ہوں گے۔
تاہم مکڑی نے اس غلط فہمی کو خوب دور کر دیا۔ جب ایک سانپ مکڑی کے جالے کے قریب آنے لگا تو مکڑی نے اس کے ساتھ وہ کیا جو خود سانپ کو بھی پریشان کر گیا۔
ویڈیو میں دیکھا جا سکتا ہے کہ جیسے ہی سانپ قریب آیا تو مکڑی نے جال ہی کچھ ایسے بنا تھا کہ سانپ اس جال میں پھنستا چلا گیا، سانپ کے لیے اب نکلنا بہت مشکل تھا، سانپ کہ اس حالت کا ذمہ دار بھی وہ خود تھا کیونکہ اس نے اپنے سامنے والے کو کمزور سمجھ لیا تھا، جس کی قیمت اسے بخوبی دینی پڑی۔
بالآخر سانپ مکڑی کے جال میں کچھ ایسا پھنسا کہ پھر واپس بچ نہ پایا، اس ویڈیو نے کئی صارفین کو ایسا پیغام دیا ہے جو کہ بنا سمجھے سامنے والے کو ہلکا لے لیتے ہیں۔