شاہ رخ خان کی بلاک بسٹر فلم اوم شانتی اوم جس میں پاکستانی اداکار جاوید شیخ نے شاہ رخ کے والد کا کردار کیا جو ان کے لیے بہت اعزاز کی بات تھی۔ حال ہی میں ایک انٹرویو میں جاوید شیخ نے اس حوالے سے بتایا کہ اس فلم میں بالی ووڈ کنگ شاہ رخ خان کے والد کا کردار ادا کرنا تھا، شاہ رخ کے ساتھ کام کرنا اُن کے لیے اعزاز کی بات تھی اسی لیے انہوں نے اس فلم میں کام کرنے کے پیسے نہیں لیے تھے۔
انہوں نے کہا کہ فلم کی ٹیم کا مینیجر اُن کےمیرے پاس آیا اور پوچھا کہ سر اس فلم میں کام کرنے کا معاوضہ کتنا لیں گے، جس پر پہلے تو میں نے پیسے لینے سے صاف انکار کر دیا پھر ٹیم کے اصرار کرنے پر میں نے اس فلم کے لیے 1 روپیہ معاوضہ مانگا تھا۔
اداکار نے مزید کہا کہ ٹیم واپس گئی اور شاہ رخ اور فرح خان کو بتایا کہ جاوید شیخ پیسے لینے سے انکار کر رہے ہیں۔
اور اس کے بعد میرا معاوضہ پھر شاہ رخ خان اور فرح خان نے طے کیا تھا کہ مجھے کتنے پیسے دینے چاہیئیں۔۔