گرمی کی شدت اس وقت ملک کے میدانی علاقوں میں ہے لیکن جون کے ماہ کے وسط میں گرمی سندھ اور بلوچستان بھر میں بڑھ جائے گی اور درجہ حرارت تیزی سے گرم ہوتا جائے گا ایسے میں اردگرد کی ہر چیز گرم ہوتی جائے گی اور پھر چھت پر موجود پانی کی ٹینکی تو سورج کی کوئی رشتے دار بن جاتی ہے جس میں پانی اتنا گرم آتا ہے کہ اچانک کوئی پانی کا وال کھول کر فوری ہاتھ آگے کردے تو ہاتھ جلنے لگتے ہیں، اکثر ایسا دوپہر کے اوقات میں زیادہ ہوتا ہے۔ لیکن
آئیے! شدید گرمی کے موسم میں چھت پر لگی پانی کے ٹینکی کو ٹھنڈا رکھنے کے چند آسان اور کارآمد طریقے بتاتے ہیں جو آپ کی بھی یہ مشکل آسان کرسکیں:
پانی کی ٹینکی ٹھنڈی کیسے رکھی جائے؟
پانی کے ٹینک کے بیرونی حصے کو سفید رنگ کرلیں۔ یہ اس لیے کیا جاتا ہے کیونکہ سفید رنگ ٹھنڈک برقرار رکھنے میں مدد دیتا ہے۔
پینٹ کا تازہ کوٹ ٹینکی کے اندر بیکٹیریا کی افزائش کو بھی روکنے میں مددگار ثابت ہو سکتا ہے۔
پانی کے ٹینکی کو کسی بند جگہ پر رکھ لیں یعنی چھت پر ایک چھوٹا سا کمرہ اگر بنا ہوا ہے تو ا سکے اطراف میں رکھ لیں یا پھر ٹینکی کے اوپر ہرے رنگ کا چھپرا ڈال دیں تاکہ براہِ راست سورج کی تپش نہ پہنچ سکے۔
ٹینک کے اطراف تھرماپول شیٹ لگا دیں جو تپش کو اپنے اندر جذب کرکے ٹینک اور اندر پانی کو ٹھنڈا رکھنے میں مدد دیتی ہے۔