کرکٹر محمد رضوان بہترین کھلاڑی ہونے کے ساتھ ساتھ مذہبی تبلیغ کی جانب بھی اپنی توجہ مرکوز کرتے نظر آتے ہیں۔ ان کا یہ انداز فینز کے دل جیت لیتا ہے۔ امریکہ میں موجود کھلاڑی محمد رضوان نے دو دن قبل اپنی غیر مسلم استانی کو قرآن پاک کا تحفہ دے کر سب کو حیران کیا وہیں ان کی ایک اور ویڈیو نے مداحوں کو حیرت میں ڈال دیا۔
سوشل میڈیا پر وائرل ہونے والی اس ویڈیو میں دیکھا جا سکتا ہے کہ جوں ہی اذان کا وقت ہوا محمد رضوان نے سڑک پر ہی جانماز بچھا کر نماز کی ادائیگی کی۔ اس ویڈیو کو دیکھ کر لوگ کہہ رہے ہیں رضوان مسلمانوں کا دل عبادت کی جانب مائل کرنے کے لیے ہر ممکنہ کوشش کر رہے ہیں۔
دوسری ویڈیو میں آپ دیکھ سکتے ہیں کہ محمد رضوان نے امریکہ کی مسجد میں اپنی خوبصورت آواز میں اذان دی اور پھر امامت بھی کروائی، کھلاڑی کا یہ مثبت قدم لوگوں کے لیے ایک اعلیٰ مثال بن گیا۔