پاکستان کرکٹ ٹیم کے آل راؤنڈر اور بہترین فیلڈر شاداب خان کی شاندار کیچ پکڑنے کی ویڈیو سوشل میڈیا پر وائرل ہو رہی ہے۔
گذشتہ روز افغانستان کے خلاف میچ میں شاداب خان کا ناقابل یقین میچ پر شائقین سمیت کمینٹیٹرز بھی حیران رہ گئے۔
پاکستان نے پہلے ون ڈے میں افغانستان کو جیت کے لیے 202 رنز کا ہدف دیا تھا اور ہدف کا تعاقب کرنے والی افغان ٹیم کے ابتدائی 2 کھلاڑی 4 رنز پر ہی پویلین لوٹ چکے تھے۔
میچ کے چوتھے اوور کے دوران افغان ٹیم کے بائیں ہاتھ کے بلے باز حشمت اللہ نے نسیم شاہ کی گیند پر شاٹ کھیلنے کی کوشش کی لیکن اسکوائر لیگ پر کھڑے شاداب خان نے حیران کن کیچ پکڑ کر افغان بلے باز کو پویلین کی راہ دکھا دی۔
شاداب خان نے چھلانگ لگا کر کیچ پکڑنے کی کوشش کی تو ایک لمحے کے لیے گیند ہاتھ سے چھوٹنے والی تھی مگر وہاں شاداب نے پوری مہارت کے ساتھ گیند کو گرنے نہیں دیا بلکہ اپنے ہاتھوں میں مضبوطی سے پکڑ لیا۔
آل راؤنڈر کے اس کیچ کو کمنٹیٹر نے بھی زبردست کیچ قرار دیا اور فیلڈنگ کی تعریف بھی کی۔ خیال رہے شاداب خان کا شمار دنیا کے بہترین فیلڈرز میں کیا جاتا ہے۔