اسلام آباد ہائی کورٹ نے چیئرمین تحریک انصاف عمران خان کی جانب سے توشہ خانہ کیس میں سزا معطلی کی درخواست منظور کرلی ہے، ہائیکورٹ نے گزشتہ روز فریقین کے دلائل سننے کے بعد فیصلہ محفوظ کر لیا تھا۔
چیف جسٹس اسلام آباد ہائیکورٹ عامر فاروق اور جسٹس طارق جہانگیری کی سربراہی میں 2 رکنی بینچ نے کی درخواست کی سماعت کی۔
5 اگست کو اسلام آباد کی سیشن عدالت کے جج ہمایوں دلاور نے توشہ خانہ کیس میں چیئرمین پی ٹی آئی کو 3 سال قید اور ایک لاکھ جرمانے کی سزا سنائی تھی۔
توشہ خانہ کیس میں سزا سنائے جانے کے بعد اسی دن عمران خان کو لاہور سے گرفتار کر لیا گیا تھا اور اس وقت وہ اٹک جیل میں قید ہیں۔
چیف جسٹس اسلام آباد ہائیکورٹ چیف جسٹس عامرفاروق کی سربراہی میں دو رکنی بینچ نے فیصلہ سناتے ہوئے توشہ خانہ کیس میں چیئرمین پی ٹی آئی کی سزا معطل کردی ہے۔ اسلام آباد ہائیکورٹ نے چیئرمین پی ٹی آئی کو رہا کرنے کا بھی حکم دیا۔