ملک میں پیٹرول کی قیمت تیزی سے بڑھ رہی ہے جس کے باعث قیمتوں سے پریشان گاڑی مالکان کے لیے نئی مشکل کھڑی ہوگئی ہے، لیکن اب انہی گاڑی مالکان کے لیے ایک خوشخبری سامنے ہے۔چینی کمپنی نے پاکستان میں ای وی پلانٹ لگانے کا اعلان کیا ہے۔
غیر ملکی میڈیا رپورٹس کے مطابق ایک چینی الیکٹرک کار بنانے والی کمپنی نے پاکستان میں الیکٹرک وہیکل (EV) پلانٹ اور ملک کے بڑے شہروں میں شو رومز قائم کرنے کا فیصلہ کیا ہے۔
کمپنی کے اسسٹنٹ چیئرمین جی یو زونگ کی سربراہی میں وفد نے ایف پی سی سی آئی کے نائب صدر سے ملاقات کی جس موقع پر اس بات کا اعلان کیا۔
انہوں نے مزید کہا کہ الیکٹرک کاروں کے استعمال سے پیٹرول کی لاگت میں بہت زیادہ بچت ہو گی اور عوام کے لئے آسان اور سستا سفر ممکن ہوسکے گا۔
اُن کا کہنا تھا کہ یہ طویل مدتی کاروباری منصوبے کا حصہ ہے، وہ پاکستان کی مارکیٹوں کا معائنہ کررہے ہیں اور مینو فیکچرنگ یونٹ اور شورومز قائم کرنا کمپنی کے مفاد میں ہے۔