نسیم شاہ کے کندھے کی سرجری ہوگئی، ’جلد ایکشن میں نظر آئیں گے‘

image
پاکستان کرکٹ ٹیم کے فاسٹ بولر نسیم شاہ کے کندھے کی کامیاب سرجری ہو گئی ہے۔

نسیم شاہ کے کندھے کی سرجری لندن کے ایک ہسپتال میں ہوئی جس کی اطلاع اُن کے مینیجر مغیز شیخ نے بدھ کو سوشل میڈیا پلیٹ فارم ایکس (ٹوئٹر) پر دی۔

مغیز احمد نے نسیم شاہ کی سرجری کے بعد تصویر اپلوڈ کی اور ٹویٹ میں لکھا ’نسیم شاہ کندھے کی سرجری کے بعد کافی حوصلے میں ہیں۔ براہ کرم انہیں اپنی دعاؤں میں یاد رکھیں۔ وہ ایکشن میں جلد نظر آئیں گے۔‘ 

Naseem Shah is in good spirits after minor procedure on his shoulder. Please remember him in your prayers. He will be in action soon inshallah. #NaseemShah #cwc23 @iNaseemShah pic.twitter.com/AqOmQkofQs

— Moghees Sheikh (@MogheesSheikh) October 3, 2023

واضح رہے کہ نسیم شاہ کو 6 ہفتوں تک آرام کرنا ہوگا جس کے بعد وہ دوبارہ کرکٹ فیلڈ پر واپس آ سکیں گے۔

نسیم شاہ کو گزشتہ ماہ کھیلے گئے ایشیا کپ کے سپر فور مرحلے میں انڈٰیا کے خلاف میچ میں کندھے کی تکلیف محسوس ہوئی تھی جس کے بعد وہ اُس میچ سمیت ایشیا کپ اور پھر ورلڈ کپ کے سکواڈ سے بھی باہر ہوگئے تھے۔

سٹار بولر کی انجری کے بعد ورلڈ کپ کے سکواڈ میں پاکستان نے اُن کی جگہ حسن علی کو سلیکٹ کیا تھا۔

پاکستان آئی سی سی کرکٹ ورلڈ کپ میں اپنے سفر کا آغاز 6 اکتوبر کو نیدرلینڈز کے خلاف حیدرآباد دکن میں ہونے والے میچ سے کرے گا۔

ورلڈ کپ سے قبل کھیلے گئے دونوں وارم اپ میچوں میں پاکستانی ٹیم کو شکست کا سامنا کرنا پڑا ہے۔


News Source   News Source Text

مزید خبریں
کھیلوں کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.