عوام ہوجائیں خوش ۔۔ کل سے پیٹرول میں کتنے روپے کی بڑی کمی ہونے جا رہی ہے؟

عالمی مارکیٹ میں تیل کی قیمتوں میں کمی اور پاکستان میں ڈالر کی قیمت نیچے آنے کے بعد پاکستان میں پیٹرولیم مصنوعات کی قیمتوں میں بڑی کمی کا امکان ہے اور کل اعلان متوقع ہے۔

عالمی منڈی میں پیٹرول کی قیمت 10 ڈالر کمی سے 104 ڈالر فی بیرل پر آگئی ہے جبکہ ڈیزل کی قیمت 8 ڈالر کم ہو کر 118 ڈالر فی بیرل ہوچکی ہے۔

ذرائع کا کہنا ہےکہ پیٹرول کی قیمت میں اتوار کو 36 جبکہ ہائی اسپیڈ ڈیزل کی قیمت میں 19 روپے فی لیٹرکمی متوقع ہے،پیٹرول کی ایکس ریفائنری قیمت 36 روپے کمی سے 206 روپے فی لیٹر ہوجائے گی۔

یاد رہے کہ اس سے قبل 15 اگست سے 15 ستمبر کے درمیان پٹرول اور ہائی اسپیڈ ڈیزل کی قیمتوں میں بالترتیب 58.43 روپے اور 55.83 روپے فی لیٹر کا اضافہ ہوا تھا۔اس وقت حکومت پٹرول پر 82 روپے فی لیٹر اور ہائی اسپیڈ ڈیزل پر 73 روپے فی لیٹر ٹیکس وصول کر رہی ہے۔

تمام پیٹرولیم مصنوعات پراس وقت جنرل سیلز ٹیکس صفر ہے لیکن حکومت پیٹرول پر 60 روپے فی لیٹر پیٹرولیم ڈیولپمنٹ لیوی وصول کر رہی ہے جبکہ ایچ ایس ڈی، ہائی آکٹین بلینڈنگ کمپونینٹ اور 95 ریسرچ آکٹین نمبرپیٹرول پر 50 روپے فی لیٹر پیٹرولیم ڈیولپمنٹ لیوی وصول کی جا رہی ہے