الہ دین اور چراغ کی کہانی تو آپ نے بھی بچپن میں بہت سنی ہوگی کہ کیسے الہ دین کے چراغ میں سے جن نکل آتا تھا اور الہ دین کے اڑنے والے قالین کے قصے بھی ضرور سنے ہونگے آج ہم آپ کو آج کے دور کے ایک الہ دین اور اس کے اڑنے والے قالین کے بارے میں بتائیں گے۔
الہ دین صدیوں پرانا ایک کردار ہے جس پر کئی کہانیاں تخلیق کی گئیں، لاتعداد فلمیں بنیں اور کارٹونز وسیریز بنانے کا سلسلہ جاری ہے۔
فلموں ، ڈراموں میں الہ دین کوایک مخصوص لباس میں دکھایا جاتا ہے جو جادوئی چراغ حاصل کر لیتا ہے پھر اس کی بدولت جادوئی قالین حاصل کرکے دولت مند بن جاتا ہے۔
ہم آپ کو دور جدید کا اصلی الہ دین دکھا رہے ہیں جس کے پاس جادوئی قالین بھی ہے۔یہ بھارت کے شہر گروگرام کا نوجوان رہائشی کیون کول ہے جو الہ دین کے کردار سے اس قدر متاثر ہے کہ اس کردار کے رنگ و روپ میں رہنا پسند کرتا ہے اور اس کردار کوحقیقت کا روپ دینے کے لیے اس نے ایک جادوئی قالین بھی بنا لیا ہے۔