بھارت میں جاری ورلڈکپ کے دوران آئی سی سی نے ون ڈے کی پلیئرز رینکنگ جاری کردی ، بھارت کے شبمن گل نے بابراعظم سے پہلی پوزیشن چھن لی۔
شبمن گل کے 830 پوائنٹس کے ساتھ پہلی پوزیشن پر آگئے ہیں جبکہ بابر اعظم 824 رینکنگ پوائنٹس کے ساتھ دوسرے نمبر پر ہیں۔
پاکستان ٹیم کے کپتان بابر اعظم تقریباً ڈھائی برس نمبر ون کی پوزیشن پر رہے، جنوبی افریقا کے کوئنٹن ڈی کوک تیسرے، بھارت کے ویرات کوہلی چوتھے اور آسٹریلیا کے ڈیوڈ وارنر پانچویں نمبر پر ہیں۔
پاکستان کے فخر زمان ہفتہ وار رینکنگ میں 11 ویں نمبر موجود ہیں جبکہ افغانستان کے ابراہیم زادران سات درجے بہتری کے ساتھ 12 ویں نمبر پر آگئے۔
شاہین شاہ آفریدی بھی اپنی نمبر ون پوزیشن کھو بیٹھے ہیں، اب ان کی جگہ بھارت کے محمد سراج 709 پوائنٹس کے ساتھ پہلے نمبر پر ہیں، جنوبی افریقا کے کیشوو مہاراج 694 پوائنٹس کے ساتھ دوسرے، آسٹریلیا کے ایڈم زمپا 662 پوائنٹس کے ساتھ تیسرے نمبر پر ہیں۔
بھارت کے کلدیپ یادیو 661 پوائنٹس کے ساتھ چوتھے اور پاکستان کے شاہین شاہ آفریدی 658 پوائنٹس کے ساتھ پانچویں نمبر پر موجود ہیں۔