پیزا یوں تو مغربی ڈش ہے لیکن پاکستان میں بھی اس وقت بہت مشہور ہوچکا ہے اور پیزے کی مقبولیت کو دیکھتے ہوئے نئے نئے فلیورز بھی متعارف کروائےجارہے ہیں تاہم پیزا کمپنی نے ہانگ کانگ کے ایک قدیم ریسٹورینٹ کے ساتھ مل کر روایتی ڈش کو ایک نیا رنگ دینے کی کوشش کی ہے۔
ہانگ کانگ کے علاوہ ویتنام اور تھائی لینڈ سمیت دنیا کے مختلف ممالک میں بھی سانپ کے گوشت کا استعمال کیا جاتا ہے۔ہانگ کانگ میں نئے فلیور کے پیزا میں سانپ کے گوشت کے ساتھ کالی مشروم اور سور کے گوشت کو بھی شامل کیا گیا ہے جب کہ اس میں مخصوص قسم کے ساسز کو بھی استعمال کیا گیا ہے۔
ہانگ کانگ میں سانپ کا گوشت بہت شوق سے کھایا جاتا ہے اور سرد موسم میں تو سانپ کے گوشت کی مانگ میں بہت زیادہ اضافہ ہوجاتا ہے۔ ہانگ کانگ کے مقامی افراد کا کہنا ہے کہ سانپ کے گوشت میں بہت سی خصوصیات چھپی ہوتی ہیں جو ہماری جلد کو بہتر کرنے اور سردیوں میں جسم کو گرم رکھنے میں مدد فراہم کرتی ہے۔
یاد رہے کہ چین، ہانگ کانگ اور دیگر ممالک میں سردی میں سانپ، کیکڑے اور بلیوں کا سوپ بھی بہت شوق سے پیا جاتا ہے جبکہ اب سانپ پیزا کو بہت زیادہ پسند کیا گیا ہے۔