اڑن طشتری یا اڑن کھٹولا برسوں سے ہماری کہانیوں کا حصہ ہیں اور اکثر آسمان پر نظر آنے والے ایسی ہی پراسرار چیزوں کو اڑن طشتری سے تشبیہ دی جاتی ہے جس کے حوالے سے مشہور ہے کہ ان میں خلائی مخلوق ہوتی ہے تاہم سائنسدان اس سے متفق نہیں ہیں۔
اڑن طشتری یا اڑن کھٹولا وہ اجسام ہیں جو ہوا میں پرواز کرتے نظر آتے ہیں اور دیکھنے والوں کو پہلی نظر میں پتہ نہیں چلتا یا اُسے اُن کی پہچان کرنے میں مشکل پیش آتی ہے کہ یہ اُڑتی چیز کیا ہے۔
امریکی ریاست کیلیفورنیا کے شہر سان ڈیاگو میں شہریوں نے پُراسرار روشنیوں کو دیکھ کر سماجی رابطے کے پلیٹ فارمز پر تصاویر اور ویڈیوز ڈالتے ہوئے شہر کے اوپر سے اڑن طشتری کے گزرنے جیسے خیالات کا اظہار کیا۔
امریکا میں دیکھی جانے والی پُراسرار روشنیوں کے متعلق شہریوں کی قیاس آرائیوں کا ڈراپ سین ہوگیاہے، اڑن طشتری قرار دی جانے والی پُراسرار روشنیاں امریکی نیوی کی پیراشوٹ ٹیم نکلی۔
پیراشوٹ ٹیم کا کہنا تھا کہ اگر آپ نے شام 6 بج کر 20 منٹ کے قریب سان ڈیاگو کےآسمان پر اڑن طشتری دیکھی ہے تو ممکنہ طور پر ان کی ٹیم تھی جو اسٹیڈیم کی جانب جا رہی تھی۔ یہ روشنیاں در اصل فلیئرز ہیں جو ٹیم ویمنز سوکر لیگ کے سیمی فائنل کے درمیان سان ڈیاگو کی ٹیم کو سپورٹ کرنے کے لیے اٹھائے ہوئی ہے۔