کار میں سفر کے دوران اکثر آپ نے دیکھا ہوگا کہ پچھلی کھڑکیوں کے شیشے تھوڑے سے نیچے نظر آتے ہیں، اکثر پیچھے بیٹھنے والے لوگ کھڑی کو پورا بند کرنے کی کوشش میں زور بھی لگاتے ہیں تاہم اگر آپ کے ساتھ ایسا ہو تو آپ شیشے بند کرنے کیلئے زور لگانے کی کوشش نہ کریں۔
گاڑیوں کے ماہرین کہتے ہیں کہ چاہے آپ اسے نیچے کرنے کی جتنی بھی کوشش کریں مگر کھڑکی کا کچھ حصہ ضرور اوپر موجود ہوگا ، بیشتر گاڑیوں میں پیچھے کے شیشے مکمل طور پر نیچے نہ ہونے کی اصل وجہ یہ ہے کہ ان کے دروازوں میں اتنی گنجائش ہی نہیں ہوتی۔
زیادہ تر گاڑیوں میں اس وجہ سے پیچھے کی نشستوں کی کھڑکیاں مکمل طور پر دروازے میں غائب نہیں ہوتیں۔البتہ بڑی گاڑیوں میں پیچھے کے دروازے بھی بڑے ہوتے ہیں تو ان میں کھڑکیاں بھی مکمل طور پر غائب ہو جاتی ہیں۔
کچھ لوگوں کا خیال ہے کہ شائد ایسا بچوں کے تحفظ کے لیے کیا جاتا ہے کیونکہ بچوں کو زیادہ تر پیچھے ہی بٹھایا جاتا ہے اور یہ کسی کی خواہش نہیں ہوتی کہ کھڑکی مکمل کھلنے سے بچے باہر گر جائیں۔مگر یہ حقیقی وجہ نہیں بلکہ اس کا مسافروں کے تحفظ سے کچھ لینا دینا نہیں۔