واٹس ایپ نے پھر اپنے صارفین کی پرائیوسی کا خیال رکھتے ہوئے ایک اور بہترین فیچر کا اضافہ کردیا ہے۔ اس فیچر کے ذریعے صارفین کی واٹس ایپ چیٹ دیگر افراد سے محفوظ رہے گی اور کوئی آپ کی چیٹ پڑھ نہیں سکے گا۔
میٹا کی زیر ملکیت ایپلیکیشن واٹس اپ میں سیکرٹ کوڈ نامی فیچر کا اضافہ کیا گیا ہے۔
یہ فیچر ابھی اینڈرائیڈ ڈیوائسز کے لیے واٹس ایپ کے بیٹا (beta) ورژن میں متعارف کرایا گیا ہے۔
WABetaInfo کی رپورٹ کے مطابق چیٹ لاک فیچر کو مزید مضبوط بنانے کے لیے سیکرٹ کوڈ کا اضافہ کیا جا رہا ہے۔
سیکرٹ کوڈ فیچر سے صارفین اپنی لاک چیٹس کو زیادہ محفوظ بنا سکیں گے۔
وہ ان چیٹس کو فون ان لاک کے طریقہ کار کے ساتھ ساتھ ایک سیکرٹ کوڈ کے ذریعے محفوظ بنا سکیں گے۔سیکرٹ کوڈ کا فیچر چیٹ لاک کی سیٹنگز کے اندر ہوگا۔
واضح رہے کہ چیٹ لاک نامی فیچر مئی میں متعارف کرایا گیا تھا جس کے ذریعے مختلف چیٹس کو ایک فولڈر میں محفوظ کیا جاتا ہے جبکہ ان تک رسائی فون ان لاک کے طریقہ کار سے ممکن ہوتی ہے۔