پاکستان کرکٹ بورڈ نے چیف سلیکٹر انضمام الحق کے استعفے کے بعد باقی سلیکشن کمیٹی کو بھی برطرف کردیا، قومی ٹیم کے کپتان بابر اعظم کو قیادت سے ہٹانے کا امکان، نئے ممکنہ کپتانوں کے نام بھی سامنے آگئے۔
پاکستان کرکٹ ٹیم بھارت میں جاری کرکٹ ورلڈکپ میں شرمناک پرفارمنس کی وجہ سے سیمی فائنل میں جگہ بنانے میں ناکام رہی، قومی ٹیم نے ایونٹ میں صرف 4 میچ میں فتح حاصل کی پانچ میچوں میں شکست کا سامنا کرنا پڑا۔
میڈیا ذرائع کا کہنا ہے کہ پاکستان ٹیم کی شرمناک پرفارمنس کے بعد کرکٹ بورڈ نے بابر اعظم کو قیادت سے ہٹانے کا فیصلہ کرلیا ہے۔ ٹیسٹ، ون ڈے اور ٹی 20 کپتان بابر اعظم اب بطور کھلاڑی کھیلیں گے۔شان مسعود اور شاہین آفریدی کپتانی کے مضبوط امیدوار ہیں۔
دورہ آسٹریلیا میں شان مسعود ٹیسٹ کپتان بننے کے مضبوط امیدوار ہیں جبکہ دورہ نیوزی لینڈ میں ٹی 20 ٹیم کی قیادت کےلیے شاہین آفریدی مضبوط امیدوار ہیں۔ ذرائع نے بتایا کہ 2024 آئی سی سی ٹی ٹوئنٹی ورلڈکپ میں پاکستان کے کپتان شاہین آفریدی ہوں گے۔
بابر اعظم کی چیئرمین پی سی بی مینجمنٹ کمیٹی ذکا اشرف سے ملاقات متوقع ہے ،ذرائع نے بتایا کہ بابر اعظم بطور کپتان استعفیٰ دیں گے تو بورڈ قبول کر لے گا۔