پاکستان کے سینئر اداکار عثمان پیرزادہ نے اداکارہ ثمینہ سے بھاگ شادی کرنے کے راز سے پردہ اٹھاتے ہوئے زندگی کے بارے میں اہم انکشافات کردیئے ہیں۔
اپنے ایک انٹرویو میں عثمان پیرزادہ نے اپنی شادی سے متعلق حیران کُن انکشافات کیے اور نکاح کا دلچسپ قصہ سناتے ہوئے بتایا کہ میں دوسروں کو 35 برس میں شادی کا مشورہ دیتا تھا لیکن میں نے خود 21 برس کی عمر میں گھر سے بھاگ کر شادی کی۔
عثمان پیر زادہ نے نے بتایا کہ جب میری ثمینہ سے پہلی ملاقات ہوئی تو اس وقت وہ 17 برس کیں اور میں 21 برس کا تھا، پہلے دوستی اور پھر محبت ہوئی۔
انہوں نے بتایا کہ محبت ہونے کے بعد میں ثمینہ کے گھر رشتہ لے کر گیا تو ان کی والدہ نے یہ کہہ کر انکار کر دیا کہ میری ہوائی روزی ہے ، ان کا کہنا تھا کہ میں اداکاری چھوڑ کر نیوی جوائن کر لوں کیونکہ ان کے خاندان کے بیشتر افراد نیوی میں تھے۔
ثمینہ پیر زادہ سے میری پہلی ملاقات راولپنڈی ٹی وی اسٹیشن میں ہوئی تھی ، اس ملاقات کے تیسرے دن ہی ثمینہ نے مجھے شادی کی پیشکش کی جس پر حیران رہ گیا تھا۔
انہوں نے کہا کہ رشتے سے انکار کے بعد میں ایک فلم کی شوٹنگ میں مصروف تھا کہ اچانک ثمینہ نے کافی کا کپ ہاتھ میں پکڑ ے ہوئے کہا کہ چلو شادی کر لیتے ہیں، میں نے اپنے دوست سے رابطہ کیا، اس کے گھر گئے اور قریبی مسجد سے مولوی بلوا کر نکاح پڑھوا لیا۔
کچھ دن بعد میں لاہور سے کراچی آیا ہوا تھا تو نکاح کے بعد ثمینہ کی والدہ کے پاس مٹھائیاں لے کر پہنچ گیا اور انہیں تمام صورتحال سے آگاہ کیا تو ثمینہ کی والدہ پہلے حیران اور پھر ناراض ہو گئیں، پھر میں نے اپنی والدہ کو کراچی بلالیا اور جب جب گھر والے مان گئے تو انہیں ثمینہ کی والدہ سے ملوایا، اس طرح کچھ دنوں میں سب ٹھیک ہو گیا تو گھر والوں کی رضا مندی سے رخصتی لے لی۔