پاکستان کرکٹ ٹیم کے سابق کپتان انضمام الحق کے غیر مسلم کھلاڑیوں کے اسلام قبول کرنے کے دعوؤں کے حوالے سے سوشل میڈیا پر وائرل ویڈیوز نے انٹرنیشنل کھلاڑیوں کو تنقید کا موقع فراہم کردیا، انضمام کے ہربھجن کے اسلام قبول کرنے سے متعلق بیان پر ہربھجن نے انضمام کو کھری کھری سنادیں۔
سوشل میڈیا پر وائرل ویڈیو میں انضمام الحق کی بتائے ہوئے نظر آرہے ہیں کہ ہربھجن مولانا طارق جمیل کے سحر میں مبتلا تھے اور اسلام قبول کرنے کا بھی سوچ رہے تھے۔
انضمام الحق کے مطابق یہ واقعہ اس وقت پیش آیا جب ہربھجن سمیت کئی کرکٹرز مولانا طارق جمیل کی زیر قیادت دعائیہ نشستوں میں شریک تھے۔ انضمام نے بتایا کہ سیشن دیکھنے کے بعد ہربھجن نے مولانا طارق جمیل کی تعریف کرتے ہوئے ان کی تعلیمات پر عمل کرنے کی خواہش کا اظہار کیا۔
انضمام الحق کے دعوے پر سابق بھارتی کرکٹر ہربھجن سنگھ نے ناراضگی کا اظہار کرتے ہوئے لکھا کہ میرے اسلام قبول کرنے کے غور کا دعویٰ جھوٹا ہے، مجھے سکھ ہونے پر فخر ہے۔ یہ پتا نہیں کونسا نشہ پی کر بات کررہا ہے، پتا نہیں یہ بکواس لوگ کچھ بھی بکتے رہتے ہیں۔
یاد رہے کہ انضمام الحق نے ویسٹ انڈیز کے سابق سپر اسٹار برائن لارا کے حوالے سے بھی کچھ ایسا ہی دعویٰ کیا تھا تاہم لارا کی طرف سے کوئی بیان سامنے نہیں آیا۔