کپڑوں کا آپ کی زندگی میں اہم کردار ہوتا ہے جس کے بارے میں اکثر لوگوں کو نہیں معلوم ہوتا یعنی آپ جو لباس پہنتے ہیں اس سے آپ کی صحت پر مختلف اثرات مرتب ہوتی ہیں۔
یہ ملبوسات کے اثرات مختلف عوامل پر منحصر ہوتے ہیں جس کے بارے میں آپ کو بتانے جا رہے ہیں۔
مواد اور فیبرک: کپڑا کس مواد یعنی fabric سے بنا ہے، یہ آپ کی جلد کی صحت کیلئے کافی اہمیت رکھتا ہے۔ کپاس، ریشم اور اون جیسے قدرتی کپڑے اور ہوادار ہوتے ہیں اور پولیسٹر یا نائلون جیسے مصنوعی مواد کے مقابلے میں جِلد میں جلن کم پیدا کرتے ہیں۔ مصنوعی فیبرک سے بنے کپڑے گرمی اور نمی کو اپنے اندر قید کرسکتے ہیں جو کہ ممکنہ طور پر جلد کے مسائل جیسے دانے یا تکلیف کا باعث بن سکتے ہیں۔
الرجی اور حساسیت: کچھ افراد کے لباس میں استعمال ہونے والے بعض مواد یا رنگوں سے الرجی یا حساسیت پیدا ہوسکتی ہے جس کے نتیجے میں جلد پر خارش کے ساتھ ساتھ سرخی بھی پیدا کرسکتی ہے۔
تنگ لباس: تنگ لباس خون کے بہاؤ اور نقل و حرکت پر اثرانداز ہوسکتا ہے جس سے تکلیف اور یہاں تک کہ صحت کے مسائل جیسے پٹھوں میں درد، اعصابی سکڑاؤ یا ہاضمہ جیسے مسائل تک پیدا ہو سکتے ہیں۔
صاف لباس: زیادہ دنوں تک گنڈے کپڑے پہننے بالخصوص ان علاقوں میں جہاں نمی زیادہ ہے اور بیکٹیریا کی افزائش کا امکان دوگنا ہے۔
نفسیات پر اثر: لباس آپ کے مزاج اور اعتماد کو متاثر کر سکتا ہے۔ پرسکون اور مناسب لباس پہننے سے خود اعتمادی اور ذہنی تندرستی پر مثبت اثر پڑتا ہے۔