فلمیں اور ڈراموں یوں تو تفریح طبع کیلئے بنائے جاتے ہیں تاہم کئی بار فلمیں اور ڈرامے حقیقی زندگی پر بھی بہت زیادہ اثر انداز ہوتے ہیں، ماضی میں ایک بھارتی فلم کا بھی لوگوں نے اتنا گہرا اثر لیا کہ بھارت میں ریکارڈ توڑ طلاقیں ہوئیں۔
اداکارہ رانی مکھرجی نے ایک تقریب کے دوران انکشاف کیا ہے کہ 2006 میں ریلیز ہونے والی ان کی فلم ’کبھی الوداع نہ کہنا‘ کے بعد بھارت میں بہت سی طلاقیں ہوئیں، ان کا کہنا تھا کہ مجھے لگتا ہے کہ شائد فلم نے بہت سے لوگوں کی آنکھیں کھول دیں اور انہوں نے اپنی زندگی کا مشکل فیصلہ لیا تاکہ وہ آگے کی زندگی خوشی خوشی گزار سکیں۔
2006 میں ریلیز کی گئی فلم کے مرکزی کرداروں میں شاہ رخ خان، رانی مکھرجی، پریتی زنٹا، ابھیشیک بچن اور امیتابھ بچن نظر آئے تھے۔یہ دو ایسے جوڑوں کی کہانی تھی جو اپنی اپنی ازدواجی زندگی میں خوش نہیں تھے اور اسی کی بنا پر وہ ایک دوسرے سے شادی کرلیتے ہیں۔
بالی وڈ اداکارہ نے گوا میں 54 ویں انٹرنیشنل فلم فیسٹیول میں اپنی فلم کبھی الوداع نہ کہنا کے حوالے سے بات چیت کرتے ہوئے کہا کہ مجھے لگتا ہے کہ فلم کے ڈائریکٹر کرن جوہر کو اپنی فلم کے لیے یہ فیڈ بیک ملااور مجھے لگتا ہے کہ اس فلم نے بہت سے لوگوں کی آنکھیں کھول دیں اور انہوں نے اپنی زندگی کا مشکل فیصلہ لیا تاکہ وہ آگے کی زندگی خوشی خوشی گزار سکیں۔