"آپ سب کی دعا اور اپنے پیارے حبیب کے صدقے ہمارا اپنی پیاری دلہن کو گھر لانے کا سفر شروع ہو گیا ہے، میری خوشیوں میں شامل ہونے والے میرے اپنوں کو میرا سلام"۔
یہ کہنا تھا اداکارہ صبا فیصل کا جو پورے دھوم دھڑّکے کے ساتھ اپنی چھوٹی بہو گھر لے آئی ہیں۔
صبا فیصل نے انسٹاگرام پر ایک ویڈیو شیئر کرتے ہوئے بتایا تھا کہ وہ چھوٹی بہو کو لینے باراتوں کے ہمراہ لاہور سے کراچی کے لیے نکل رہی ہیں۔
گزشتہ شب ہونے والی صبا فیصل کے بیٹے و اداکار ارسلان فیصل اور ڈاکٹر نیشا طلعت کی "شیندی" (شادی و مہندی) کی مختلف ویڈیوز سوشل میڈیا کی زینت بن گئی ہیں۔
اس کے علاوہ ارسلان فیصل کی شیندی میں شوبز انڈسٹری سے بڑی تعداد میں اداکاروں نے بھی اس فنکشن میں شرکت کی۔