بھارتی فلم انڈسٹری نے یوں تو بے شمار اسٹارز پیدا کئے ہیں لیکن جو عزت اور شہرت امیتابھ بچپن کو ملی ایسی شہرت بہت کم لوگوں کے حصے میں آئی اور فلم انڈسٹری میں عزت اور شہرت ہو تو دولت بھی لازمی بات ہے لیکن امیتابھ بچپن نے اپنی شہرت کے دوران ہی انتہائی مشکل حالات بھی دیکھے جس میں ان کے خاندان کو بھی بہت کٹھن وقت گزارانا پڑا۔
امیتابھ بچپن کے بیٹے اداکار ابھیشیک بچن نے اپنے ایک حالیہ انٹرویو میں انکشاف کیا ہے کہ خراب مالی حالات کی وجہ سے مجھے کالج کی پڑھائی ادھوری چھوڑنی پڑی تھی۔
ابھیشیک نے بتایا کہ ان کے والد نے ایک کمپنی بنائی تھی جس کے دیوالیہ ہونے پر کالج کی پڑھائی ادھوری چھوڑنی پڑی اور پیسے نہ ہونے کی وجہ سے میں فلموں کے سیٹ پر جا کر لوگوں کے لیے چائے بنایا کرتا تھا۔میں نے پیسے کمانے کے لیے اپنے دوست کے ساتھ مل کر ایک اسکرپٹ بھی لکھی جسے امیتابھ بچن نے ریجیکٹ کر دیا تھا۔
انہوں نے بتایا کہ 20 سال قبل ’فلم فئیر ایوارڈز‘ کی تقریب میں شرکت کے لیے مہینوں پہلے ہی تیاری کر لی جاتی تھی کہ تقریب میں کس طرح کے ملبوسات پہنے جائیں گے لیکن میرے پاس اس وقت نئے کپڑے خریدنے کے لیے پیسے نہیں تھے۔
امیتابھ بچن کو بالی ووڈ کامنجھا ہوااور صف اول کا اداکار سمجھا جاتا ہے، ان کے فلمی کیرئیر میں بہترین فلموں کی ایک لمبی فہرست ہے اور ان کے اثاثوں کی مالیت اربوں روپے میں ہے تاہم انہوں نے ماضی میں انتہائی مشکل وقت کا بھی سامنا کیا جس سے بارے میں بہت کم لوگ ہی جانتے ہیں۔