اسلام آباد۔2جنوری (اے پی پی):موجودہ صدر فیلیکس شیسی کیدی نے عوامی جمہوریہ کانگو میں 20 دسمبر کو ہونے والے صدارتی انتخابات میں کامیابی حاصل کرلی ہے ۔ ٹی آرٹی کے مطابق اعلی انتخابی کونسل کے اشتراک کردہ نتائج کے مطابق، شیسی کیدی، جنہوں نے 73.34 فیصد ووٹ حاصل کیے اور دوسری مدت کے لیے صدر بن گئے۔
انتخابات میں، کٹنگا صوبے کے سابق گورنر اور کاروباری شخصیت موئس کٹومبی، پسندیدہ امیدواروں میں سے ایک، نے 18.08 فیصد ووٹ حاصل کیے، جب کہ مارٹن فیولو کو 5.33 فیصد ووٹ ملے۔پہلے مرحلے کے انتخابات میں سب سے زیادہ ووٹ حاصل کرنے والے شیسی کیدی20 جنوری کو حلف اٹھائیں گے اور اپنی دوسری مدت کے 5 سالہ صدارتی دور کا آغاز کریں گے۔تقریباً 100 ملین کی آبادی والے سب صحارا افریقہ کے سب سے زیادہ آبادی والے ملک کونگو میں 44 ملین درج شدہ رائے دہندگان میں سے 43.23 فیصد نے انتخابات میں ووٹ دیا۔