مقبول پاکستانی شوبز اداکارہ اور مداحوں میں بے حد پسند کی جانے والی یمنیٰ زیدی نے اپنے ہونے والے جیون ساتھی کی خصوصیات کے حوالے سے بتا دیا۔
اداکارہ حال ہی میں ایک پروگرام میں شریک ہوئیں جہاں وہ اپنی ڈیبیو فلم نایاب – نام یاد رکھنا کی پروموشن کے سلسلے میں آئی ہوئی تھیں۔
یمنیٰ نے انکشاف کیا ان کے لیے رشتوں کی لائینیں لگ گئی ہیں مگر وہ اپنی مرضی سے اپنا دولہا منتخب کریں گی۔
میزبان کے سوال پر اداکارہ نے شرماتے ہوئے ہامی بھری اور کہا کہ ہاں ایسا ہی ہے لوگوں کو میری شخصیت پسند آتی ہے لیکن براہ راست مجھے پرپوزل نہیں ملے بلکہ میری والدہ سے رشتے کے سلسلے میں رابطہ کیا جاتا ہے۔
یمنیٰ زیدی نے ممکنہ جیون ساتھی کی خوبیاں بتائیں کہ انہیں ایک ایسا جیون ساتھی چاہیے جس میں انہیں ایک اچھا ساتھی مل جائے، جس کے ساتھ زندگی اسی طرح خوشی سے گزار سکیں جیسے ابھی شادی سے پہلے گزار رہی ہیں۔