پاکستان شوبز انڈسٹری کے معروف اداکار احسن خان کی گردن پر ٹیٹو بنا ہوا ہے جس کے بارے میں ان کے مداح جانتے ہیں مگر انہیں یہ راز کی بات نہیں معلوم کہ انہوں نے یہ ٹیٹو کیوں بنوایا۔
مگر حال ہی میں اداکار احسن خان نے ایک پوڈ کاسٹ میں بطور مہمان شرکت کی جس میں انہوں نے اس راز سے پردہ اٹھایا۔
احسن خان نے پوڈ کاسٹ میں بات کرتے ہوئے بتایا کہ ہاں یہ سچ ہے کہ میں نے ٹیٹو بنوایا ہے کیونکہ میں ٹیٹو چاہتا تھا۔
احسن خان نے ٹیٹو بنوانے کی وجہ بتاتے ہوئے کہا کہ میں ایک نئے ڈرامے میں کام کررہا ہوں جس میں کردار کیلئے ٹیٹو بنوانا ضروری تھا، ڈرامے کی شوٹنگ کیلئے روزانہ سیٹ پر آکر نقلی ٹیٹو بنوانا پڑتا تھا جو مجھے ایک مشکل کام لگتا تھا تو اس لیے میں نے ڈرامے کیلئے یہ عارضی ٹیٹو بنوایا ہے جو ہٹ بھی سکتا ہے۔