پاکستان شوبز انڈسٹری کی صف اول کی اداکارہ یمنیٰ زیدی نے بھی اپنی شادی کے خواب دیکھنا شروع کردیئے ہیں اور ٹی وی پر شو کے دوران اپنے ہونیوالے شوہر میں خصوصیات کے حوالے سے بھی انکشافات کردیئے ہیں۔
یمنیٰ زیدی نے نجی ٹی وی کے شو میں شرکت کی جہاں اپنے شوہر میں ہونے والی خصوصیات کے بارے میں بات کرتے ہوئے یمنیٰ زیدی کا کہنا ہے کہ میں چاہتی ہوں کہ جیون ساتھی خوبصورت ہو لیکن مجھ سے زیادہ اچھا نہ دکھے۔
ان کا کہنا تھا کہ میری خواہش ہے کہ میرا شوہر ایک اچھے دل کا شخص ہو اور ذہین ہو، میرے ساتھ تعلقات اچھے رہیں اور مجھ سے محبت کرے۔وہ میری نظر کو اچھا لگنا چاہیے، میں چاہتی ہوں شریک حیات مجھے اچھا لگے لیکن مجھ سے زیادہ خوبصورت نہ ہو۔
30جولائی1989کو کراچی میں پیدا ہونیوالی 34 سالہ یمنیٰ زیدی خوشی ایک روگ، میری دلاری، دل محلے کی حویلی، رشتے کچھ ادھورے سے، موسم، گزارش ، ذرا یاد کر، تیرے بن اور صنف آہن میں اپنے کرداروں کے لیے پہچانی جاتی ہیں۔ یمنیٰ زیدی نے اردو ٹیلی ویژن فلمی دنیا سے اپنے کیریئر کا آغاز کیا اور ان کو سات ہم ایوارڈ نامزدگیاں مل چکی ہے۔