رمضان المبارک کا مہینہ شروع ہونے میں کچھ ہی ہفتے باقی رہتے ہیں اور دنیا بھر کی طرح پاکستانی بھی جلد ہی رمضان کے بابرکت مہینے کے لیے تیاریاں شروع کر دیں گے کیونکہ متوقع آغاز کی تاریخ 2 ماہ سے بھی کم رہ گئی ہے۔
ماہرین فلکیات نے بتایا کہ پاکستان میں یکم رمضان المبارک 11 مارچ کو ہوگا تاہم حتمی تاریخ کا اعلان مرکزی رویت ہلال کمیٹی کی جانب سے چاند نظر آنے کے بعد کیا جائے گا۔
دنیا بھر کے مسلمان مارچ میں رمضان کا استقبال کریں گے، یوں رواں سال رمضان المبارک 26 سال کے بعد سردیوں میں آرہا ہے۔
ماہرین فلکیات کا کہنا ہے کہ 2024 سے رمضان سردیوں میں آتا رہے گا تاہم ابتدائی 2 سال تک رمضان کا آخری حصہ موسم بہار میں ہوگا۔
ماہرین فلکیات کے مطابق 2031 تک رمضان موسم سرما میں ہوگا اور پھر 8 سال تک یعنی 2039 تک موسم خزاں میں آئے گا۔