جی میل ایک بہت بڑا سماجی رابطے کا ذریعہ ہے جہاں صارفین لاکھوں کی تعداد میں پیغامات وصول کرتے اور آگے بھیجتے ہیں۔ جی میل میں معمولی رد و بدل کا سلسلہ جاری رہتا ہے مگر اس بار جی میل میں کارآمد فیچر کا اضافہ کیا گیا ہے۔
گوگل کی سروس جی میل میں ایسے فیچر کا اضافہ کیا گیا ہے جو آپکو ضرور پسند آئے گا۔
گوگل کی جانب سے اینڈرائیڈ فونز کے لیے جی میل ایپ میں ہیلپ می رائٹ نامی فیچر کو زیادہ بہتر بنایا جا رہا ہے۔
یہ فیچر آرٹی فیشل انٹیلی جنس (اے آئی) ٹیکنالوجی کو استعمال کرکے ای میلز کو ڈرافٹ کرنے میں مدد فراہم کرتا ہے۔
ابھی صارفین اے آئی بوٹ کو تحریری ہدایات دے کر اپنی مرضی کی ای میلز لکھواتے ہیں۔
مگر مستقبل قریب میں آپ کو کی بورڈ چھونے کی ضرورت بھی نہیں ہوگی کیونکہ آپ صرف بول کر ہی یہ کام کر سکیں گے۔