صدر مملکت عارف علوی نے سوشل میڈیا پر بیان جاری کیا ہے۔
عام انتخابات 2024 کی پولنگ مکمل ہونے کے بعد نتائج آنے کا سلسلہ جاری ہے جس میں غیر حتمی غیر سرکاری نتیجے کے مطابق آزاد امیدوار کی زیادہ تعداد اب تک کامیاب ہوئی ہے۔
الیکشن نتائج کی آمد کے موقع پر صدر عارف علوی نے سوشل میڈیا پر جاری بیان میں کہا کہ اگر ہم اپنے آپ کو گڑھے میں پائیں تو حکمت کا تقاضہ ہےکہ اللہ سے مدد مانگیں اور کم از کم مزید کھدائی بند کردیں۔
خیال رہے عام انتخابات 2024 میں اب تک پی ٹی آئی حمایت یافتہ آزاد امیدوار 65، ن لیگ 47 اور پی پی قومی اسمبلی کی 34 نشستوں پرکامیاب ہوئے ہیں۔