آج صبح سویرے کراچی کا موسم خوشگوار دیکھنے میں آیا ہے، آسمان پر گہرے بادل چھائے ہوئے ہیں ساتھ ہی شہر کے مختلف علاقوں میں ہلکی بونداباندی بھی ہوئی۔
کراچی کے مختلف علاقوں گرومندر، نمائش، سولجر بازار، لسبیلہ اور ایم اے جناح روڈ پر بوندا باندی ہوئی۔
محکمہ موسمیات کے مطابق شہر کے مختلف علاقوں میں آج سے 14 فروری تک بوندا باندی اور ہلکی بارش کا امکان ظاہر کیا گیا ہے۔
محکمہ موسمیات کے مطابق آج صبح شہر کا کم سے کم درجہ حرارت 17 ڈگری سینٹی گریڈ ریکارڈ ہوا جبکہ شہر کا موجودہ درجہ حرارت 19 ڈگری سینٹی گریڈ ہے۔