بالوں کو سیدھا کرنے کے لئے اسٹریٹنر کا استعمال بہت عام ہوگیا ہے جس سے بال پتلے، خشک اور بے جان ہوجاتے ہیں. کیا ایسا بھی کوئی طریقہ ہوسکتا ہے کہ بال سیدھے بھی ہوجائیں لیکن خراب ہونے کے بجائے ان کی صحت اور چمک میں اضافہ بھی ہو؟ آئیے آپ کو ایسا ہی جادوئی طریقہ بتاتے ہیں.
ایک پیالی میں کسی بھی معیاری برانڈ کا 3 چمچ کنڈیشنر لیں، اس میں ایک چمچ گلیسرین، ایک انڈے کی زردی اور 2 وٹامن ای کے کیپسول ڈال کر اچھی طرح مکس کریں. اگر بال لمبے ہوں تو تمام اجزاء کی مقدار بڑھا دیں.
اس کو لگانے کا طریقہ یہ ہے کہ پہلے سر کو اچھی طرح دھو کر صاف کر لیں اور بالوں کو خشک کریں. اس کے بعد یہ محلول بالوں میں لگا کر ڈیڑھ گھنٹے کے لئے چھوڑ دیں. بالوں کو شیمپو کر لیں.
یہ محلول زیادہ سے زیادہ ڈیڑھ سو میں تیار ہوجاتا ہے اور اس سے وہ لوگ بھی فائدہ اٹھا سکتے ہیں جن کے بال قدرتی طور پر گھنگریالے ہیں.