کہتے تو یہی ہیں کہ محبت کسی سرحد کو نہیں مانتی اور اصل محبت وہ ہوتی ہے جو نکاح کے رشتے میں ڈھل جائے. ایسی ہی ایک محبت نبھائی ہے سیالکوٹ کے نوجوان علی ارسلان نے جنھوں نے بھارتی نژاد جرمن لڑکی جسپریت کور سے نہ صرف نکاح کیا بلکہ ان کے قبول اسلام کا َزریعہ بھی بنے.
سوشل میڈیا سے ملنے والی معلومات کے مطابق ارسلان اور جسپریت جرمنی میں ساتھ کام کرتے تھے. جسپریت کا تعلق بھارت کے شہر لدھیانہ سے ہے اور ان کا اسلامی نام زینب رکھا گیا ہے. جسپریت نے حافظ صاحبزادہ حامد رضا کے ہاتھوں اسلام قبول کیا۔
جسپریت کور 16 جنوری کو مذہبی یاترا کے لیے پاکستان آئی ہیں اور 15 اپریل تک کا ویزا جاری کیا گیا ہے. ارسلان سے جسپریت کی دوستی جرمنی میں ہوئی اور پھر ارسلان کی دعوت قبول کرتے ہوئے جسپریت پاکستان آئیں اور اپنی مرضی سے اسلام قبول کیا اور ارسلان سے شادی کی.