ٹیکنالوجی کی دنیا میں ایک اور ترقی دیکھنے میں آئی ہے جس نے پوری دنیا سے لوگوں کی توجہ سمیٹ لی ہے۔ اسمارٹ ڈیوائسز کی چینی کمپنی آنر نے اسپین میں موبائل کی اسکرین پر آنکھ کے اشارے سے گاڑی خود اسٹارٹ ہونے اور چلنے کی نمائش کی۔
غیر ملکی خبر رساں ادارے کی رپورٹ کے مطابق آنر (HONOR) ان طریقوں کی آزمائش کر رہا ہے کہ کس طرح آرٹیفیشل انٹیلیجنس آئی ٹریکنگ (AI eye tracking) کو استعمال کیا جا سکتا ہے۔
یعنی اسمارٹ فون مصنوعی ذہانت کے آذریعے آنکھ کے اشارے کو سمجھ سکتا ہے، اور اب حال ہی میں کمپنی نے اسپین میں اس کا تجربہ بھی کیا جو کامیاب رہا۔
رپورٹ میں بتایا گیا کہ ماڈل کی آنکھ کے اشا رے سے گاڑی واپس پیچھے بھی آسکتی ہے۔