زوال سے خوف آتا ہے.. کنزہ ہاشمی کو کس سے محبت ہوئی اور پہلی کمائی کتنی تھی؟

"مجھے ایک بار محبت ہوچکی ہے لیکن میرا ماننا ہے کہ محبت بار بار ہو سکتی ہے اور آگے کا انہیں نہیں پتا کہ کتنی بار محبت ہوگی۔ میری محبت ایک طرفہ نہیں تھی"

یہ کہنا ہے معروف اداکارہ کنزہ ہاشمی کا جنھوں نے مذاق رات میں شرکت کرتے ہوئے اپنی نجی زندگی اور کیریئر کے حوالے سے گفتگو کی. کنزہ نے یہ تو نہیں بتایا کہ ان کی پہلی محبت کون تھا لیکن ان کا کہنا تھا کہ شوبز کے مردوں سے انھیں کبھی لگاؤ نہیں رہا.

کنزہ ہاشمی کا کہنا تھا کہ صرف 16 برس کی عمر میں انھیں ڈرامے کی آفر ہوئی جس میں 5 لاکھ روپے معاوضہ دینے کی پیشکش کی گئی تھی. اتنی بڑی رقم کا سوچ کر وہ حیران ہوگئی تھیں لیکن انھوں نے بالکل ظاہر نہیں کیا اور کام کے بعد انھیں پورے پیسے دیے گئے. کنزہ نے بتایا کہ انھیں شوبز انڈسٹری میں کام کرتے ہوئے 10 سال گزر گئے ہیں.

"اکثر اپنے خاندان کے لوگوں سے کئی مہینوں تک ملاقات نہیں ہوتی اور جب ملتی ہوں تو وہ تب وہ کافی بدل چکے ہوتے ہیں تب یہ خیال آتا ہے کہ کاش میں اپنے پیاروں کی عمر کو روک سکتیں۔ ابھی تو جوان ہوں، خوبصورت ہوں لیکن زوال سے ڈرتی ہوں"