اگر فریج خراب ہوجائے تو یا تو کئی ہزار روپے دے کر اسے ٹھیک کروانا پڑتا ہے یا پھر نیا فریج خریدنا پڑتا ہے جس کی قیمت اب لاکھوں میں ہے. کیوں نہ ہم آپ کو ایسی ٹپ دیں جس سے آپ کا فریج خراب ہی نہ ہو اور مرمت میں لگنے والے پیسوں کی بچت بھی ہوجائے؟ تو چلیں شروع کرتے ہیں.
برتن دھونے والے اسفنج کو درمیان سے کاٹ کر اس میں نمک ڈالیں اور پھر اسے ہاتھ سے دبا کر بند کردیں. جب بھی فریج کی صفائی کریں تو اس نمک بھرے اسفنج کو فریج کے اندر کھڑے پانی پر پھیریں. اسفنج سارا پانی جذب کر لے گا اور فریج میں برف نہیں جمے گی.
اسی طرح اگر آپ فریج صاف کرچکے ہیں اور اندر پانی موجود نہیں ہے پھر بھی آپ یہ نمک والے اسفنج سے لازمی ایک بار اندر کا حصہ پونچھیں. اس سے فریج کے اندر برف جلدی نہیں جمے گی.
جب فریج کی دیواروں پر برف جمتی ہے تو کمپریسر پر دباؤ بڑھ جاتا ہے. اس طرح فریج جلدی خراب بھی ہوتا ہے اور بجلی کا بل بھی زیادہ آتا ہے. جب کہ ہماری بتائی گئی ٹپ سے آپ بجلی کا خرچہ بچا سکتے ہیں.