اپنی اولاد کی پیدائش پر تو دنیا کا ہر باپ خوشیاں مناتا ہے لیکن امریکا میں حال ہی میں ایک باپ نے بیٹے کی پیدائش پر اپنی سالگرہ بھی منائی. البتہ بیٹے کا باپ ہونے کے باوجود صرف 7 ویں سالگرہ منانے پر لوگ تعجب کا شکار ہیں.
امریکی شہری ڈیلن گلاس 29 فروری 1996 کو پیدا ہوئے تھے اور ان کے بیٹے آرچر کی پیدائش 29 فروری 2024 کو ہوئی. اس موقع پر ڈیلن کا کہنا ہے کہ یہ حیران کن واقعہ ہے لیکن وہ اس پر بہت خوش ہیں.
واضح رہے کہ لیپ ڈے ہر 4 برس بعد آتا ہے جس کی وجہ سے اس تاریخ کو پیدا ہونے والے ہر چار برس بعد ہی اپنی سالگرہ منا سکتے ہیں. اسی وجہ سے ڈیلن نے اپنی عمر کہیں زیادہ ہونے کے باوجود صرف ساتویں بار کیک کاٹا اور اب اگلے لیپ ڈے پر جب ان کا بیٹا پہلی سالگرہ منائے گا تو یہ ڈیلن کی بھی صرف آٹھویں سالگرہ ہوگی.