اے آئی دنیا میں ہر جانب اپنی صلاحیت منظر عام پر لا رہی ہے جس نے ٹیکنالوجی کی دنیا کو بدل کر دکھ دیا ہے۔ اب اوپن اے آئی ایک نئی حیرت انگیز چیز سامنے لایا ہے۔
اوپن اے آئی نے آرٹی فیشل انٹیلی جنس (اے آئی) ٹیکنالوجی پر مبنی ایک ایسا ماڈل تیار کیا ہے جو چند سیکنڈ میں کسی بھی فرد کی آواز کی نقل کرنے کی صلاحیت رکھتا ہے۔
اس اے آئی ماڈل کو وائس جنریشن کا نام دیا گیا ہے جس پر کمپنی 2022 کے اختتام سے کام کر رہی ہے۔
اس ٹیکسٹ ٹو وائس جنریشن پلیٹ فارم پر محدود حلقوں کو رسائی فراہم کی گئی ہے۔
مذکورہ اے آئی ماڈل کسی بھی فرد کی آواز کے 15 سیکنڈ کلپ کے ذریعے اس کی نقل کرنے کی صلاحیت رکھتا ہے۔
اے آئی سے تیار ہونے والی آواز تحریری ہدایات کو مختلف زبانوں میں پڑھنے کی صلاحیت بھی رکھتی ہے۔
اوپن اے آئی نے ایک بلاگ پوسٹ میں بتایا کہ یہ وائس انجن متعدد صنعتوں میں استعمال کیا جا سکتا ہے۔