اسلام آباد۔8مئی (اے پی پی):وفاقی وزیر قانون و انصاف اعظم نذیر تارڑ سے بدھ کو سرگودہا بار ایسوسی ایشن اور اٹک بار ایسوسی ایشن کے نمائندوں نے ملاقات کی ۔
ملاقات میں قانونی برادری کی ضروریات کو پورا کرنے اور حکومت اور قانونی ماہرین کے درمیان تعاون کو فروغ دینے پر توجہ مرکوز کی گئی۔اس موقع پر وفاقی وزیر قانون نے بار ایسوسی ایشنز میں خواتین وکلاءکے اہم کردار پر زور دیا اور قانونی شعبے میں ان کی شرکت کی اہمیت پر زور دیا۔وفاقی وزیر قانون نے وکلاءکی فلاح و بہبود کے لئے حکومت کے عزم کا اعادہ کیا اور وکلاءکے پیشہ وارانہ ماحول اور مواقع کو بڑھانے کے لئے کام کرنے کی خواہش کا اظہار کیا۔