برسلز ۔12مئی (اے پی پی):نیٹو کے ڈپٹی سیکرٹری جنرل میرسیا جوان نے اعلان کیا ہے کہ نیٹو اتحاد یوکرین کی حمایت جاری رکھنے کا خواہاں ہے لیکن اس کا وہاں فوج بھیجنے کا کوئی منصوبہ نہیں ۔ عرب نیوز کے مطابق میرسیا جوان نے کہا کہ فرانسیسی صدر نے یوکرین کی حمایت جاری رکھنے کی فوری ضرورت کے بارے میں بات کی ،نیٹو کی سطح پر اتفاق رائے سے فیصلے کیے جاتے ہیں
، فی الحال ہمارا یوکرین میں اتحادی افواج کی تعیناتی کا کوئی منصوبہ یا ارادہ نہیں ۔ میرسیا جوان نے نشاندہی کی کہ یوکرین کے پائلٹوں کو تربیت دینے اور ایف سولہ لڑاکا طیاروں کو محفوظ بنانے کے حالیہ فیصلے جنگ کی موجودہ صورتحال سے جڑے ہوئے ہیں، یہ ریڈ لائنز عبور کرنے کا معاملہ نہیں ۔